Pasiuna
Una sa tanan magpasalamat kita ni Abba YHWH nga mao ang tag-iya sa tanan (Job 41:11) ug sa iyang paggiya sa atong mga bulohaton para sa Iyang kahimaya-an (Romans 8:28) ug sa Iyang pagtugot kanatong mga gentil ngadto sa paghinulsol para sa kinabuhing dayon (Acts 11:18). Ug nga kita mahimong maka-ambit sa mga saad pinaagi sa Kasulatan o sa Iyang Bala-ang Pulong (Ephesians 3:6) ug makakab-ot kita sa kaluwasan pinaagi niini(Romans 1:16).
Sa samang higayon kitang mga nakahibalo sa kamatuoran gimanduan ni Abba YHWH sa pagdan-ag sa Iyang kahayag
(2 Corinthians 4:6;Matthew 5:16) ug pagpahibalo sa iyang maayong balita sa kaluwasan ( Matthew 28:19) ngadto sa tanan nga katawhan kay diha ni Yahshua Messiah gihatag ni Abba YHWH ang tanan nga paghukom (John 5:22) ug walay laing ngalan ug tigpataliwala sa tawo ug sa Amahan diin ang tawo maluwas, si Yahshua Messiah(Acts 4:12; 1 Timothy 2:5; John 14:6).
Tungod niining Kamatuoran nga nahisgutan sa unahan, kining pinalahi nga pagtuki ug pagtapok sa Pulong ni Abba YHWH gihimo para makahibalo ang tanan sa tinuod mahitunogod sa Elohim kay ang kadaghanan nangasayop (Matthew 22:29) kay wala makahibalo sa unod sa Kasulatan ug nagsunod-sunod lang sa ilahang kadagkuan ug namat-an nga pagtoo ug kompyansa ra kaayo sila sa ilang pagtoo sa Elohim nga daw insakto na ug wala nay kulang, pero ang katapusan mao ang pagkatagag o pagkalaglag sa ilang mga kalag (Proverbs 16:25).
Atong timan-an ang gisulti ni Apostol Pablo nga ang Kasulatan mao ang gahum ni Abba YHWH ngadto sa kaluwasan para sa matag usa nga motoo (Romans 1:16) ug gipalig-on ni Yahshua Messiahnga mao kini ang gahum sa Elohim(Matthew 22:29).
Busa, isip mga magtotoo sa Pulong sa Elohim o Kasulatan, kinahanglan nga atong ipatigbabaw labaw sa tanan ang pulong sa Elohim ug mao kini ang mohukom sa insakto nga pamaagi sa pagsimba ug pagdayeg sa Elohim ug atong ipunting ang tanan nato nga paglaban/pagdapig ngadto ra gayud sa Kasulatan ug dili sa atong tagsa-tagsa ka grupo sa pagtoo. Kaysa katapusan, ang Kasulatan mao ang gamiton nga sumbanan sa paghukom sa tanang katawhan (John 12:48;
2 Thessalonians 1:8).
Si Abba YHWH pinaagi ni Rabbi Yahshua Messiah magpanalangin kanatong tanan. HalleluYAH!
Pinasahi nga Gitun-an, Giipon, Giandam, ug Gihimo
09176212377.rev091817DGD