PAGTOO 14
ANG TINO UG SEGURADO NGA PULONG SA PROFESIYA
Unsay tambag ni Apostol Pedro mahitungod sa profesiya o panagna diha sa Kasulatan?
II Pedro 1:19-22
Asa man Makita ang mga profesiya o panagna para sa katapusan sa kapanahunan?
II Pedro 1:20
Kinsang pagbulot-an ang anaa sa profesiya?
2 Pedro 1:20
Unsay pamahayag ni Abba YHWH mahitungod sa mga panghitabo sa niagi ug umaabot?
Isaiah 48:3-5
Unsay gustong pahinumdoman ni Abba YHWH para sa tanang katawhan?
Isaiah 46:9-10
Unsaon pagpahayag ni Abba YHWH ang iyang profesiya sa umalabot panghitabo para sa mga katawhan?
Amos 3:7
Unsaon pag-ila sa tinuod nga manalagna batok sa bakakon nga usa?
Tinuod nga profeta:
Jeremiah 28:9
Bakakon nga profeta:
Deuteronomy 18:22
Unsay pasidaan ni Abba YHWH sa dili pa moabot ang mga katalagman nga giandam para sa katapusan sa kapanahunan?
Malachi 4:5
Unsa may gipasabot sa pulong nga “Espiritu sa Tagna”, nagkahulogan ba kini ug usa ka libro nga hinimo ug sinulat lamang sa usa ka tawo?
Pinadayag 19:10
Tubag:
Ang espiritu sa tagna mao ang pagpanghimatuod ni Yahshua nga mao ang Kasulatan o Biblia sumala sa Juan 5:39. Adunay mga libro nga nag-ulohan ug “espiritu sa tagna” apan kini dili mao ang gitumbok sa Kasulatan nga mao ang gisulti sa Pinadayag 19:10 kay ang Bibliya o Kasulatan mismo mao ang tagna. Walay laing basahon o libro nga gipasabot nga maghatag ug giya sa tawo mahitungod sa umalabot nga panghitabo gawas lamang sa tibuok nga Bibliya o Kasulatan. Magbantay kita nga dili malimbongan kay mao kini ang unang tumong ni Shatan ang pagpangilad sa tibuok kalibutan (Pinadayag 12:9). Ang congregasyon ni Abba YHWH tino ug hugot nga nagtuo sa mga panagna nga nakapatik dinhi sa Kasulatan ug sa mga profeta nga gigamit ug gamiton unya sumala sa Iyang gisaad sa dili pa igapadayag ang atong mahal nga manluluwas nga si Yahshua Messiah.
II Pedro 1:19-22
- Labi pa gayud diay nga nahimatud-an ang pulong sa profesiya nga among ginabatonan. Maayo nga inyong himoon ang pagtagad niini maingon sa inyong pagtagad sa usa ka suga nga nagasiga sa dapit nga mangitngit, hangtud mobanagbanag ang panahon ug mosubang bitoong kabugason diha sa inyong mga kasingkasing.
Asa man Makita ang mga profesiya o panagna para sa katapusan sa kapanahunan?
II Pedro 1:20
- Kinahanglan inyong mahibaloan kini, una sa tanan, nga walay profesiya diha sa kasulatan nga arang kahimoan sa kinaugalingon nga pagpanabut,
Kinsang pagbulot-an ang anaa sa profesiya?
2 Pedro 1:20
- tungod kay wala may profesiya nga miabut pinaagi sa kabubot-on sa tawo, hinonoa minandoan sa Espiritu Santo nanagpanulti ang mga balaang tawo sa makagagahum.
Unsay pamahayag ni Abba YHWH mahitungod sa mga panghitabo sa niagi ug umaabot?
Isaiah 48:3-5
- Gipahayag ko na ang unang mga butang gikan pa sa karaan; oo, sila nanggula gikan sa akong baba, ug ako silang gipasundayag: sa kalit gibuhat ko sila, ug sila nahinabo.
- Tungod kay ako nasayud nga ikaw masukihon, ug ang imong liog maoy usa ka ugat nga puthaw, ug ang imong kilay tumbaga:
- Tungod niini gipahayag ko kini kanimo gikan pa sa karaan; sa wala pa mahinabo gipakita ko kini kanimo; tingali unya ikaw makaingon: Ang akong dios maoy naghimo niini, ug ang akong linilok nga larawan, ug ang akong tinunaw nga larawan, maoy nagsugo kanila.
Unsay gustong pahinumdoman ni Abba YHWH para sa tanang katawhan?
Isaiah 46:9-10
- Hinumdumi ang unang mga butang sa karaan: kay ako mao ang Makagagahum, ug wala nay lain; ako mao ang Makagagahum, ug wala nay lain nga sama kanako;
- Nga nagpasundayag sa katapusan gikan sa sinugdan, ug gikan sa karaang mga panahon mga butang nga wala pa mahimo; nga nagaingon: Ang akong tambag magapadayon, ug himoon ko ang tanan ko nga kahimut-an;
Unsaon pagpahayag ni Abba YHWH ang iyang profesiya sa umalabot panghitabo para sa mga katawhan?
Amos 3:7
- Sa pagkamatuod si YHWH ang makagagahum dili magbuhat sa bisan unsa, gawas kong ang iyang tinago ipadayag niya sa iyang mga alagad, ang mga manalagna.
Unsaon pag-ila sa tinuod nga manalagna batok sa bakakon nga usa?
Tinuod nga profeta:
Jeremiah 28:9
- Ang manalagna nga nagtagna mahitungod sa pakigdait, sa diha nga mahitabo ang pulong sa manalagna, unya ang manalagna hiilhan, nga si YHWH sa pagkamatuod nagpadala kaniya.
Bakakon nga profeta:
Deuteronomy 18:22
- Sa magsulti ang usa ka manalagna sa ngalan ni YHWH, kong ang butang dili matuman ni mahitabo, mao kana ang butang nga wala isulti ni YHWH; ang manalagna nagapangahas sa pagsulti niini, dili ka mahadlok kaniya.
Unsay pasidaan ni Abba YHWH sa dili pa moabot ang mga katalagman nga giandam para sa katapusan sa kapanahunan?
Malachi 4:5
- Ania karon, akong ipadala kaninyo si Elias ang manalagna, sa dili pa moabut ang daku ug makalilisang nga adlaw ni YHWH.
Unsa may gipasabot sa pulong nga “Espiritu sa Tagna”, nagkahulogan ba kini ug usa ka libro nga hinimo ug sinulat lamang sa usa ka tawo?
Pinadayag 19:10
- Unya mihapa ako sa iyang tiilan aron unta sa pagsimba kaniya, apan siya miingon kanako, "Ayaw pagbuhata kana! Ako maoy usa lamang ka masigka-ulipon uban kanimo ug sa imong kaigsoonan nga nanaghupot sa pagpanghimatuod ni Jesus. Maoy simbaha ang Elohim (Makagagahum)." Kay ang pagpanghimatuod ni Yahshua mao man ang espiritu sa profesiya.
Tubag:
Ang espiritu sa tagna mao ang pagpanghimatuod ni Yahshua nga mao ang Kasulatan o Biblia sumala sa Juan 5:39. Adunay mga libro nga nag-ulohan ug “espiritu sa tagna” apan kini dili mao ang gitumbok sa Kasulatan nga mao ang gisulti sa Pinadayag 19:10 kay ang Bibliya o Kasulatan mismo mao ang tagna. Walay laing basahon o libro nga gipasabot nga maghatag ug giya sa tawo mahitungod sa umalabot nga panghitabo gawas lamang sa tibuok nga Bibliya o Kasulatan. Magbantay kita nga dili malimbongan kay mao kini ang unang tumong ni Shatan ang pagpangilad sa tibuok kalibutan (Pinadayag 12:9). Ang congregasyon ni Abba YHWH tino ug hugot nga nagtuo sa mga panagna nga nakapatik dinhi sa Kasulatan ug sa mga profeta nga gigamit ug gamiton unya sumala sa Iyang gisaad sa dili pa igapadayag ang atong mahal nga manluluwas nga si Yahshua Messiah.
PAGTOO 15
ANG GAHUM SA PAG-AMPO MAO ANG SUSI SA PAGBUKAS SA TINUBDAN SA GAHUM NI
ABBA YHWH
Sa unsang paagi nga ang usa ka magtotoo paminawon sa langitnong Amahan?
II CHRONICAS 7:14
Kanus-a kinahanglan mag-ampo ang tawo, sa panahon langba nga aduna kini pangayuon sa langitnong Amahan?
Lukas 18:1
Sa pag-ampo unsay kinahanglan nga gamiton nga pinulongan o pulong?
I Corinto 14:15
walay naginusara nga pinolungan o pinasahi nga pulong ang gimando sa Amahan gawas lamang nga nakasabot kita sa matag pulong nga atong gilitok diha sa mga pag-ampo ngadto sa Amahan.
Unsay giya sa Kasulatan, kon kapila sa usa ka adlaw mag-ampo ang pinili nga katawhan?
Salmo 55:16-17
Unsa ang mga posisyon sa diha nga kita mag-ampo? I Hari 8:22-23
Magbarog nga ibayaw ang kamot:
I Timoteo 2:8
Magluhod:
Efeso 3:14
Maghapa:
Mateo 26:39
Unsa ang kinatibuk-an nga han-ay sa pag-ampo?
Sangpiton una ang Amahan.
Mateo 6:9
Pangalyupo o gikinahanglan
Mateo 6:11
Mangayo ug pasaylo.
Mateo 6:12
Proteksyon sa Amahan batok ni Shatan.
Mateo 6:13
Sa katapusan, ipaagi sa ngalan ni Yahshua Messhiah.
Efeso 5:20
Pwede ba nga mag-ampo para sa nagmasakiton?
Santiago 5:15
Pwede ba ampo-an ang uban nga katawhan?
Santiago 5:16
May kapuslanan ba ang pag-ampo para sa mga minatay?
Isaiah 38:18
May kapuslanan ba ang pag-ampo sa mga minatay nga bala-an para sa mga buhi nga ania sa kalibutan?
Psalm 115:17
Unsay tambag sa Kasulatan mahitungod sa ka impotante sa pag-ampo?
I Tesalonic 5:17
Tubag:
atong batasanon ang pagka mainampuon sa dili pa magsugod sa bisan unsang pagabuhaton sa matag adlaw sa atong kinabuhi.
II CHRONICAS 7:14
- Kong ang akong katawohan nga gihinganlan sa akong ngalan magmapainubsanon sa ilang kaugalingon, ug magampo, ug mangita sa akong nawong, ug motalikod gikan sa ilang mga dautang dalan; nan ako magapatalinghug gikan sa langit, ug magapasaylo sa ilang sala, ug magaayo sa ilang yuta.
Kanus-a kinahanglan mag-ampo ang tawo, sa panahon langba nga aduna kini pangayuon sa langitnong Amahan?
Lukas 18:1
- Ug unya gisuginlan sila ni Yahshua sa usa ka sambingay sa pagpa-hayag nga kinahanglan magaampo sila kanunay ug dili magkaluya.
Sa pag-ampo unsay kinahanglan nga gamiton nga pinulongan o pulong?
I Corinto 14:15
- Unsa man diay ang akong pagabuhaton? Ako magaampo nga ubanan sa akong espiritu ug ubanan usab sa akong pamuot. Ako magaawit nga ubanan sa akong espiritu ug magaawit ako nga ubanan usab sa akong pamuot.
walay naginusara nga pinolungan o pinasahi nga pulong ang gimando sa Amahan gawas lamang nga nakasabot kita sa matag pulong nga atong gilitok diha sa mga pag-ampo ngadto sa Amahan.
Unsay giya sa Kasulatan, kon kapila sa usa ka adlaw mag-ampo ang pinili nga katawhan?
Salmo 55:16-17
- Mahitungod kanako, magatawag ako sa Elohim; Ug si YHWH magaluwas kanako.
- Kahaponon, ug kabuntagon, ug sa kaudtohon, ako magamahay ug magaagulo; Ug mabati niya ang akong tingog.
Unsa ang mga posisyon sa diha nga kita mag-ampo? I Hari 8:22-23
Magbarog nga ibayaw ang kamot:
- Ug si Salomon mitindog sa atubangan sa halaran ni YHWH diha sa presencia sa tibook nga pagkatigum sa Israel, ug gibayaw ang iyang mga kamot ngadto sa langit;
- Ug siya miingon: Oh YHWH, ang Elohim sa Israel, walay Elohim nga sama kanimo, sa itaas sa langit, kun sa ilalum sa yuta; nga nagtuman sa tugon ug sa mahigugmaong-kalolot uban sa imong mga ulipon, nga naglakat sa imong atubangan sa bug-os nilang kasingkasing;
I Timoteo 2:8
- Busa ginatinguha ko nga sa tanang dapit ang mga lalaki manag-ampo, nga managbayaw ug mga kamot nga balaan, nga sila walay kasuko o pakiglalis;
Magluhod:
Efeso 3:14
- Tungod niining maong katarungan, ako magaluhod sa atubangan sa Amahan,
Maghapa:
Mateo 26:39
- Ug sa nakalakaw siya sa unahan ug diyutay, siya mihapa ug nag-ampo nga nag-ingon, "Amahan ko, kon mahimo man, isaylo lang kanako kining kopa; ngani, dili sumala sa akong pagbuot kondili sa imo."
Unsa ang kinatibuk-an nga han-ay sa pag-ampo?
Sangpiton una ang Amahan.
Mateo 6:9
- Busa pag-ampo kamo sa ingon niini nga paagi: Amahan namo nga anaa sa langit, pagabalaanon unta ang imong ngalan.
Pangalyupo o gikinahanglan
Mateo 6:11
- Hatagi kami karon sa pagkaon namo sa matag-adlaw;
Mangayo ug pasaylo.
Mateo 6:12
- ug pasayloa kami sa among mga utang, maingon nga kami usab nakapasaylo, man sa mga nakautang kanamo;
Proteksyon sa Amahan batok ni Shatan.
Mateo 6:13
- ug ayaw kami itugyan sa panulay. kondili luwasa kami gikan sa dautan.
Sa katapusan, ipaagi sa ngalan ni Yahshua Messhiah.
Efeso 5:20
- nga sa kanunay magpasalamat kamo sa Elohimnga Amahan tungod sa tanang mga butang, sa ngalan sa atong Agalon Yahshua Messiah.
Pwede ba nga mag-ampo para sa nagmasakiton?
Santiago 5:15
- ug ang pag-ampo nga inubanag pagtoo magaayo sa masakiton, ug siya pagabangonon sa Adonai; ug kon siya nakasala man, siya pagapasayloon.
Pwede ba ampo-an ang uban nga katawhan?
Santiago 5:16
- Busa ngadto sa usa ug usa magsinugiray kamo sa inyong mga sala, ug pag-ampo kamo alang sa usa ug usa, aron kamo mangaayo. Ang pagpangamuyo sa tawong matarung dakug kahimoan inig-ampo niya.
May kapuslanan ba ang pag-ampo para sa mga minatay?
Isaiah 38:18
- Kay ang Sheol dili makadayeg kanimo, ang kamatayon dili makag-pasidungog kanimo: Sila nga manaug sa gahong dili makalaum sa imong kamatuoran.
May kapuslanan ba ang pag-ampo sa mga minatay nga bala-an para sa mga buhi nga ania sa kalibutan?
Psalm 115:17
- Ang mga minatay dili magadayeg kang YHWH, Ni may mausa niadtong mga nanganaug ngadto sa hilum
Unsay tambag sa Kasulatan mahitungod sa ka impotante sa pag-ampo?
I Tesalonic 5:17
- pag-ampo kamo sa walay paghunong,
Tubag:
atong batasanon ang pagka mainampuon sa dili pa magsugod sa bisan unsang pagabuhaton sa matag adlaw sa atong kinabuhi.
PAGTOO 16
ANG GAHUM SA PUASA
Unsa ang tinudlo nga Kasa-olugan ni Abba YHWH sa ikanapulo nga adlaw sa ikapitong buwan sa Iyang Kalendaryo?
Leviticus 23:27-32
Leviticus 23:27-32
- Ug misulti si YHWH kang Moises, nga nagaingon:
- Apan sa ikapulo ka adlaw niining bulana nga ikapito mao ang adlaw sa pagtabon-sa-sala: kini mao ang balaan nga pagkatigum, ug sakiton ninyo ang inyong mga kalag; ug magahalad kamo ug halad nga hinimo pinaagi sa kalayo alang kang YHWH.
- Ug kamo dili managbuhat ug bisan unsang bulohaton niining adlawa; kay kini mao ang adlaw sa pagtabon-sa-sala, aron sa pagbuhat sa pagtabon-sa-sala alang kaninyo sa atubangan ni YHWH nga inyong Elohim.
- Kay bisan unsa nga kalaga nga dili magapasakit sa iyang kaugalingon niining adlawa, pagaputlon siya gikan sa iyang katawohan.
- Ug bisan unsang kalaga nga magabuhat ug bisan unsa nga bulohaton niining adlawa, pagalaglagon ko kana gikan sa taliwala sa iyang katawohan.
- Kamo dili magbuhat ug bisan unsa nga bulohaton kini maoy usa ka balaod nga walay katapusan ngadto sa tanan ninyo nga kaliwatan sa inyong tanan nga mga puloy-anan.
- Kini alang kaninyo mao ang adlaw nga igpapahulay sa balaan nga pahulay, ug managpasakit kamo sa inyong mga kalag: sa hapon, sa ikasiyam ka adlaw sa bulan, gikan sa hapon hangtud sa hapon, magabantay kamo sa inyong adlaw nga igpapahulay.
- Tubag:
Ang magpasakit sa kaugalingon nagpasabot nga magpuasa ang magtotoo sulod sa 24 ka oras nga walay pagka-on ug tubig. Wala kini magpasabot nga atong samaran o padugo-an ang atong lawas. Kini nga pagpuasa tinudlo sa langitnong Amahan kausa sa usaka tuig.
Gibantayan ba ang pagpuasa sa mga propeta?
Jeremiah 36:6 - Busa umadto ka, ug basaha diha sa linukot, nga imong ginasulat gikan sa Akong baba, ang mga pulong ni YHWH sa mga igdulungog sa mga tawo sulod sa balay ni YHWH sa adlaw sa pagpuasa; ug ingon man usab basahon mo kana sa mga igdulungog sa tibook nga Juda nga nagapanggula sa ilang mga ciudad.
-
Unsa ang insakto nga pamaagi sa pagpuasa?
Acts 9:9 - Ug sulod sa tulo ka adlaw siya dili makakita ug wala mokaon ni moinom.
-
Sa unsang paagi kita makaduyog sa kasub-anan sa atong pamilya o suod nga higala sa dihang anaa sila sa talandugon nga kahimtang?
Psalms 35:13 - Apan mahitungod kanako, sa nanagmasakiton sila, nagbisti ako ug sako: Gisakit ko ang akong kalag nga may pagpuasa; Ug ang akong pag-ampo nagabalikbalik sa akong sabakan.
-
Sa unsang paagi kita makatabang sa pinasahi nga pangalyupo sa atong pamilya o suod nga higala ngadto sa atong langitnong Amahan?
Esther 4:16
Lakaw, tiguma ang tanang mga Judio nga anaa sa Susan, ug magpuasa kamo alang kanako, ug ayaw pagkaon ni mag-inumsulod sa totolo ka adlaw ug sa totolo ka gabii: Ako usab ug ang akong mga dalaga managpuasa sa maong pagkaagi; ug - busa ako moadto sa hari, nga dili subay sa balaod: ug kong ako mamatay, mamatay ako.
-
Unsa ang pinakalig-on nga hinagiban batok sa tintasyon nga maoy gihimo nga ehemplo sa atong manluluwas nga si Rabbi YAHSHUA?
Matthew 4:1-10 - Unya si YAHSHUA gihatud sa Espiritu ngadto sa mga awaaw aron tintalon sa yawa.
- Ug Siya nagpuasa sulod sa kap-atan ka adlaw ug kap-atan ka gabii, ug tapus niini gibati niya ang kagutom.
-
Unsa ang pikalig-on nga hinagiban sa paghingilin sa mga dautan nga espiritu?
Matthew 17:21 - Apan kining matanga dili mahimo sa pagpagula gawas sa paagi sa pag-ampo ug pagpuasa."
- Unsa ang pinakaha-om nga paagi sa pagpaubos sa atong kaugalingon nga kahimut-an ni Abba
Joel 1:14 - Managbalaan kamo ug usa ka pagpuasa, managtawag kamo ug usa ka pagkatigum nga maligdong, tiguma ang mga tigulang tawo ug ang tanang pumoluyo sa yuta ngadto sa balay ni YHWH nga inyong Elohim, ug managtuaw kamo kang YHWH.
-
Sa dihang atong napasubo ang atong langitnong Amahan pinaagi sa pagpakasala; gawas sa paghinulsol, unsay angayan natong buhaton sa atong pagpakigdugtong pagbalik ngadto ni Abba YHWH?
Joel 2:12 - Bisan pa ngani karon, nagaingon si YHWH, bumalik kamo kanako uban ang bug-os ninyong kasingkasig, ug uban ang pagpuasa, ug uban ang paghilak, ug uban ang pagbalata:
-
Ang pagpu-asa ba nga tulomanon gibuhat usab sa mga Apostoles?
Acts27:9 - Ug kay miagi na man ang hataas nga panahon ug makuyaw na ang panakayan tungod kay ang tingpuasa milabay na man, gitambagan sila ni Pablo